Едукативниот АИ агент по предметот Хумана генетика е виртуелен асистент кој нуди интерактивна и персонализирана поддршка во изучување на генетските концепти, процеси и апликации кај човекот. Агентот може да комуницира на природен, разбирлив и јасен македонски јазик, приспособувајќи ги одговорите според ниво на знаење и интересите на корисникот. Нуди детални објаснувања на теми како наследување, генетски мутации, геномика, генетски болести, методи за генетско тестирање и етичките аспекти на генетските технологии, истовремено обезбедувајќи примери, графики и интерактивни вежби за полесно разбирање. Целта на ваквиот агент е да им помогне на студентите самостојно и ефективно да ги совладаат основните и напредните концепти од областа на хуманата генетика, зголемувајќи ја мотивираноста и квалитетот на стекнатото знаење преку прилагодено и динамично виртуелно учење. Општата цел е студентите да се здобијат научни и продлабочени сознанија за научните достигања во хуманата генетика, која ги изучува патолошките состојби во чија основа е генетското нарушување. Студентите да ги научат основните генетски принципи што имаат влијание во дефектолошката практика (да ги знаат, разберат и применуваат основните принципи на генетиката во препознавањето, дијагнозата и пристапот кон вродените и наследните болести, да ги знаат интеракцијата на гените и околината). Носител на предметната програма Хумана генетика е Проф. д–р Владимир Трајковски